الخدمة
المهمة جداً واللي مش متوفرة غير في شركات قليلة هي وجود قسم بحوث قوي .. والتحليل
المالي لازم يكون هو الإطار الرئيسي الذى ندور حوله اعتمادًا على التحليل الفني،
والأخبار والاشعات وحتي الجيمات !
للأسف
أغلب الشركات ماعندهاش قسم تحليل مالي من الأساس، أو عندهم محلل واحد مبتدأ !
لدرجة
إن شركة كبيرة زي " بايونيرز " من الخمسة الأوائل مفيش عندها قسم تحليل
مالي كبير! ...
الشركات التى يُعرف عنها تميزها بقسم بحوث كويس هم " هيرمس " و "شعاع " و"
أرقام " و " نعيم" و"
سي آي كابيتال " و"كايرو كابيتال " و" بلتون " و" سيجما "
و" برايم " و" اتش اس بي سي" و" اتش سي" و" العربي
الأفريقي" .
قسم
التحليل الفني :
كل
الشركات تقريبًا بقه عندها محلل فني، وكلهم أو أغلبهم معاهم شهادة CETA وللأسف الشهادة ديه مش هي
معيار شطارة المحلل الفني أبداً .. لكن أيضأً صعب تلاقي محلل فني شاطر ومش
معاه CETA أوCFT.
فكرة إنك
تقيم قسم التحليل الفني الخاص بالشركة سهلة وبسيطة.. تقرأ التقرير وبعيدًا عن
الشكل .. تسأل نفسك كام سؤال وبناء عن ردك تعرف إذا كان القسم ده مفيد وفعال ولا لا
:
١- هل
التقرير عرفك اتجاه السوق المتوقع بوضوح؟ (كتير من التقارير تقرأها وتلاقي نفسك ما
استفدتش حاجة)
٢- هل
وجدت سهمك في التقرير ولا لا؟ (طبعًا بعيدًا عن الأسهم ضعيفة التداول)
٣- لو
لقيت سهمك في التقرير هل عرفت اتجاه سهمك ، وغرفت من خلال القسم المفروض تحتفظ بيه ولا لا؟
٤-
رشحلك القسم أسهم جديدة تشتريها ولا لا؟ (طبعاً ده بشرط إنه يكون أصلاً شايف السوق
كويس)
لو إجابتك
على هذه الأسئلة كلها بنعم يبقه ده قسم تحليل فني كويس، ممكن يكون ممتاز وممكن
يكون كويس بس.. حسب نتيجة توصياته.
والسؤال
٢ و٣ لو إجابتك عليهم لا .. يبقه القسم ده
يعيبه ضعف انتاجه ومش ضعف كفاءته.
مش
هقدر أقول إيه هي الشركات المميزة في التحليل الفني لأني مش متابع كل التقارير،
لكن أللي أنا شخصياً متابع تحليلهم للمؤشرات (بدون الدخول في تفاصيل الأسهم)
ومتأكد إنهم كويسين هم "بايونيرز" و"هيرمس" و"كايرو
كابتيال"، وده مايمنعش أبداً إن يكون في تقارير تاني أحسن منهم بس أنا مش
متابعهم.
ليست هناك تعليقات:
إرسال تعليق