(أ)
عمولات السمسرة : بإستثناء هيرمس - عمولاتها عالية شوية - كلهم متقاربين حسب اتفاقك،
وبتتميز في الموضوع ده شركة عربية أون لاين .
(ب)
فائدة التمويل : أولاً : العقد الثلاثي، بيكون عقد تمويل بين شركة السمسرة والعميل
والبنك ، فائدة البنك بتكون بين 4.25 : 5.25% فوق فائدة البنك المركزي حسب أسم البنك
طرف العقد ، والرقم ده مفيهوش فصال ولا عروض لأن كل الشركات أللى بتشتغل بعقد بنكي
ثلاثي زي بعض .. وأغلب العشرين شركة الأوائل عندهم نظام العقد الثلاثي.
ثانياً
: تمويل الشركة .. بالنسبة لتمويل الشركات ديه من فلوسها .. في أكثر من نظام متبع هنذكرهم
:
النظام
الأول : هو "نظام التارجت" المكمل (مثلاً 3% شهرياً) وأللى بتدخله من عمولات
سمسرة بيتخصم من هذا "التارجت" ، يعني لو "واخد مارجن" 100 ألف
جنيه ، يصبح " التارجت " 3000 جنيه ، فلو دخلت عمولات سمسرة 2000 جنيه هتدفع
فائدة 1000 جنيه فقط ، ولو دخلت 3000 جنيه عمولات سمسرة أو أكثر مش هتدفع فوائد خالص
.. المشكلة هنا إنك لو مادخلتش ولا جنيه عمولات سمسرة هتدفع الـ 3000 جنيه كاملين،
يعني 3% شهرياً .. وهذا كثير للغاية !
أعلى
تارجت أنا سمعت عنه 3.25% وهذا أعتقد إن شركة واحدة بس أللى ماشية بيه، وأقل تارجت
أنا سمعت عنه 2.4% شهرياً وأعتقد هناك كثير من الشركات تأخذ بيه ، لكن أللى نعرفه منهم
"تايكون" / "العربي الأفريقي" / "كايرو كابيتال"
، وأكيد في غيرهم بنفس هذه الأرقام أو قريب منها، لكن لا نعتقد إن في شركة عندها
"تارجت" أقل من هذا.
النظام
الثاني : هو "نظام الشرائح" أو الشروط لخصم الفوائد، وده موجود في شركات
مثل "فاروس" و"هيرمس" و"بلتون" و"كايرو كابيتال"
(التى لديها النظامين) وأكيد موجود أيضاً في شركات أخرى كثيراً .. وهذا النظام بيكون
في مصلحة العميل قليل التداول أكثر ، بحيث أن العميل لو مادخلش عمولات سمسرة كتير مايلاقيش
نفسه دافع 3% مثلاً فوائد .. وعادة في هذا النظام تضع الشركات تارجت كبير ، وفي نفس
الوقت بيكون في حد أقصى للفائدة، يعني مثلاً فايدة 1.5% شهرياً ، ولو حققت ضعفهم عمولات
سمسرة ماتدفعش حاجة، ولو عملت زيهم ونص تدفع جزء من الـ 1.5%.. وهكذا.
وتشير
" قهوة البورصجية " إلى أن هذا الحديث يحتمل أن تكون قد أدخلت عليه تعديلات
في بعض الشركات ، لم نسمع عنها، ايضاً أكيد في شركات مانعرفش عنها عنها حاجة وعشان
كده لم نذكرها .
ليست هناك تعليقات:
إرسال تعليق