كتب / كريم دغيم *
هكلمك عن مجموع من المعايير تقدر تختار بيها أفضل الأسهم فى البورصة المصرية أو أى بورصة أسهم سواء إقليمية أو عالمية .. طبعًا أنا هنا بكلمك عن اختيار فقط قرار البيع والشراء هيبقى المرحلة التانية بعد مرحلة عمل قائمة من أجود الأسهم ومتابعتها ...
الإتجاه وده واحد من أهم
المعايير
حاول تختار الأسهم صاحبة الإتجاه الصاعد وفى أسوأ الأحوال أختار الأسهم صاحبة الإتجاه العرضى وأبعد عن الأسهم صاحبة الإتجاه الهابط
الأداء واحد من المعايير المهمة
اختار الأسهم أللى أداءها
أقوى من المؤشر .. وهنا فى حالتنا هنقارن بمؤشر EGX30 .. طيب أعمل أيه علشان أعرف أقارن ببساطة شديدة
شوف المؤشر نزل قد أيه واختار شركة نزلت أقل منه فى نسبة الهبوط والعكس شوف المؤشر
صعد قد ايه واختار شركه بتطلع بنسبه أكبر .
طريقة تانية شوف
الشركات أللى أسعارها مكسرتش دعوم متوسطة الاجل فى الوقت أللى المؤشر كسر فيه دعوم
متوسطة الأجل .. وراقب الأسهم أللى اخترقتها ذات مقاومات متوسطة الأجل فى حين
المؤشر لم يخترق هذه المقاومات .
أحجام وقيم التداول من المعايير المهمة
حاول تختار الأسهم الأعلى
تنفيذًا فى السوق أسهم تكون نشطة .. هذه الأسهم عادتًا ما تكون قوية ومش فى أى وقت
هتلاقيها بتنزل بقوة هذه الأسهم لأنه بيكون فيه متعاملين كتير مهتمين بيها .
ممكن تختار الأسهم
المكونة لمؤشر EGX30- أو EGX50 وتبقى هذه القائمة بتاعتك .. كمان حاول تختار الأسهم أللى احجام التداول
بتاعها واخدإتجاه صعودى أو مُحافظة على متوسط قيم وأحجام تداولها .
.
التذبذب أو مدى الحركة
السعرية من المعايير الهامة
بلاش تختار الأسهم أللى
التذبذب فيها عالى لأن ده معناه أن السعر أللى هتشترى بيه ممكن يبقى بعيد لتحت أو
فوق عنك فى المدى القريب وده هيبقى فيه صعوبة إنك تعمل وقف خسارة مثلا أو محاولة
عمل متوسطات أو زيادة فى الكميات مع الإرتفاع .
اختار الأسهم متوسطة
التذبذب علشان تقدر تعمل منها فلوس كويسة .. وبلاش تختار الأسهم قليلة التذبذب لأنها
ممكن تقعد فترات طويلة فى هذه الحالة نظرًا لقلة الإهتمام بيها .. ممكن تختار الأسهم
قليلة التذبذب بعد وجود انفجار سعرى وتراقبها وتشتغل عليها .
القمم التاريخيهة
متداولين قليلين أوى
بيشتغلو فى الأسهم أللى بتخترق قممها التاريخي عايز أقولك إن هذه من أفضل الإختيارات
لو أنت فى سوق ثيرانى صاعد بوجه عام .
القيعان
التاريخية
اختيار محبب
لمتداولين كتير أنهم يشتغلو فى أسهم قريبة من قيعانها التاريخية .. هذا النوع من
الإختيار .. هو اختيار جيد بس بشروط تكون القيعان التاريخية السابقة حصل إرتداد
كبير منها لأن النوع ده من الإختيارات مككن يخليك تقعد فى السهم سنوات طويلة جًدا
لو اشتريته من غير ما يكسبك ، وممكن يخسرك كمان وأسهم تانية هتشتغل وتعمل فلوس
كويسة .
- طبعا المعايير المالية مهمة
- مضاعف الربحية
- صافى الربح لأكثر من خمس أعوام
- النمو فى الأرباح بعد السعر من القيمة العادلة
وطبعًا فيه معايير كتير ممكن نختار بيها الأسهم .. أنا قولتلك على المعايير أللى أنا بشتغل بيها .. بالتوفيق إن شاء الله
* كريم دغيم .. محلل فنى خبرة 15عام فى المتاجرة والاستثمار فى أسواق المال .. وحاصل على شهادتى (CETA-CFTe)
ليست هناك تعليقات:
إرسال تعليق