تحليل بقلم / أحمد موسى **
أول خطوة في طريق نجاحك فى البورصة أو أسواق المال .. هى أنك تقدر تحافظ على رأس مالك .. فالخسارة وإردة فى شغلنا .. ولكن الأهم أننا لا نخسر خسارة كبيرة من رأس مالنا .. ولو قدرت فى الأول تتعلم متخسرش خسارة كبيرة .. يبقى فيه أمل انك ممكن تكسب بعد كده .. طيب أيه أللى يخلينا نخسر خسارة كبيرة ؟؟ ...
أولاً
: الطمع .. " أيوه الطمع" يخليك تجرى وراء السوق ووراء الأسهم أللى أرتفعت
بصورة كبيرة أملاً فى تحقيق أرباح سريعة .. وطبعًا
تكون مغمى عينك عن حجم المخاطرة العالية .. ماهو
حضرتك مش شايف غير الربح وناسى إمكانية الخسارة .
ثانيا
: عدم تطبيق والإلتزام بمستويات وقف الخسائر ، فمعظم
المتعاملين يقوموا بالتعامل مع مستويات وقف الخسائر على أساس أنه رقم فقط ، مهم أن السهم لا ينزل تحته .. "طيب يا سيدى"
ما هو السهم نزل تحته ، عملت أنت أيه ؟؟ ولا حاجة .. أنا "مش حرمى" أسهمى لـ " الحرامية " ؟؟ !! حرامية ايه بس يا سيدنا .. حضرتك شغال فى البورصة يعنى مخاطرة وإلتزام
وسيكلوجى وحاجات كتير .. مفيش مجال للعواطف والآمال ..
ما هو
حضرتك لو مرتضتش بالخسارة الصغيرة بتطبيق مستويات وقف الخسائر .. تأكد فى الآخر حتجُبر
على الخسارة الكبيرة .. سواء من "مارجن كول" .. أو من
الإحباط بعد نزول السهم بنسب كبيرة عن سعر شراء ك .. وبعدين
حضرتك لما تخسر نسبة كبيرة من رأس مالك .. أو حتى لو كنت من المحتفظين .. حتعمل أيه
لما السوق يوصل لمستويات سعرية مغرية مثلاً أو مستويات دعم قوية مرجح الإرتداد منها
.. حتعمل أيه ؟؟؟ .. ولا حاجة ، علشان
سيادتك معاك أسهم على أسعار عالية .. فحين أللى معاه سيولة وكاش هو قدر يقتنص
الفرص ديه .. يعنى بإختصار أنت كده بره اللعبة .
طيب
يطلع واحد حبيبنا يقولى .. ماهو أنا كل ما هابيع السهم وهاتطبق وقف
خسارة السهم يرجع يطلع تانى ويحقق أرباح .. طيب أنا حرد عليك .. واحدة واحدة .
أولا : لازم تبقى عارف تحط مستويات وقف خسارتك
فين بالظبط .. وده بيكون فى المكان لو السهم وصله بتنتفى
معاه شروط دخولك ويتحول السهم للسلبية ( وده
موضوع حنعمل له فيديو تعليمى مخصوص علشانكم ) .
ثانياً
: لو فرضا كام مرة حصل معاك أنك تنفذ وقف خسارة والسهم يطلع بعدها ..؟؟
مثلاً
خمس مرات متتالية .. يعنى لو بطبق طريقتنا فى حساب المخاطرة .. حيكون أقصى خسارة ممكن
تخسرها هى 5% من رأس مالك .. طيب تعال بقى لو كملت التزام بتطبيق وقف
الخسائر .. وبعدها السوق فعلاً نزل وقلب إتجاه زى الهبوط
أللى حصل بعد كسر مستويات الـ 13000.. معظم الأسهم حققت خسائر أكثر من 50 % شوف
أنت بقى مرة واحدة بس لو مكنتش ألتزمت بتطبيق وقف الخسائر ممكن تخسر قد ايه من رأس
مالك ؟؟ مش كده وبس .. لأ وكمان أحسب محتاج أكتر
من صعود 100% علشان بس تحيب أسعارك وتخرج متعادل ..
طبعاً
، غير أنك ضيعت على نفسك فرصة غالية جداً أنك
تشترى فى مستويات سعرية كويسة .. علشان أنت مازلت متعلق فوق فى أسعار عالية .. قولى
كده مازلت لسه مقتنع أن وقف الخسائر ده مجرد بس رقم ؟؟ هل انت
ملتزم طوال الوقت بتطبيق أوامر وقف الخسائر ؟؟
بالتوفيق
والأرباح للجميع
Ahmed Moussa- Master The Trading **
ليست هناك تعليقات:
إرسال تعليق